Maastricht Liedjes   
 
Welkom op Wigosite pagina:  Maastricht Liedjes
Op deze pagina vindt u de tekst van het Maastrichtse (Mestreechs) Volkslied,
het Limburgs Volkslied, Carnavalsliedjes en 'aander Mestreechse leedsjes'.
Mocht u op mijn Website plaatjes en/of bestanden tegenkomen die in het kader
van de Copyright hier niet thuis horen, laat mij dat dan weten, ik zal de plaatjes
en/of bestanden dan onmiddellijk van mijn Website verwijderen !
Opmerkingen, suggesties en aanvullingen middels een berichtje in het Gastenboek
en/of een mailtje zijn altijd welkom.
Veel lees-, kijk- en zanggenot gewenst !
 
 
 
 
't Mestreechs Volleksleed wie veer 't noe gebruke is vaan Fons en Guus Olterdissen.
't Waor de apothese vaan de musical Trijn de Begijn oet 1912.
Es ierbetuin aon de gebreurs Olterdissen is in december 2002 offisjeel vas gelag 
tot de teks en wijs es volleksleed veur de stad Mestreech gelt.
Aonleiding waor de lètste raodsvergadering vaan Theo Bovens es Wèthawwer vaan
Mestreech, veur zien vertrèk nao de Open Universiteit in Heerle.
 
Hoera ! Vivat ! Mastreech !
Offisjeel Mestreechs Volleksleed 1912
Wäörd: Fons Olterdissen
Meziek: Guus Olterdissen
Jao diech höbs us aon ’t hart gelege, Mastreech, door alle iewe heer.
Veer blieve diech altied genege en deilde dreufheid en plezeer.
Veer huurde nao dien aw histories, te peerd op grampeer ziene sjoet.
Eus ouge blónke bijj dien glories, of perelde bijj diene noed.
En dee vaan diech get sjoens wèlt prijze, in taol die al wie zinge klink.
Dat dee op nuij Mastreechter wijze, zien aajd Mastreech mèt us bezingk.
Me zóng vaan diech te allen tijje, eus mojers zónge bijj de weeg.
En voolte veer eus rech tevreije, daan zóng ze e leedsje vaan Mastreech.
Diech blom vaan Nederlands landouwe, gegreujt op ‘t graaf vaan Sintervaos.
Bis weerdig dobbel te besjouwe, gespiegeld in de blaanke Maos.
’n Staar, de witste oet de klaore, besjijnt diech mèt häör straole zach.
En um diech zuver te bewaore, ’nen Ingel hèlt bijj diech de wach.
Wie dèks woorste neet pries gegeve, meh heels dien kroen toch opgeriech.
En óngeknak biste gebleve, door euze band vaan trouw aon diech.
Daorum de hand us touwgestoke, 't oug geriech op ’t stareleech.
En weurt dat oug daan ins gebroke, daan beijt veur us 't aajd Mastreech.
 
 
Mestreechs Volleksleed 1927
Pol Chambille de Beaumont sjreef in 1927 d’n teks vaan
't Mestreechs Volleksleed op de wijs en meziek vaan 't
Limburgs Volleksleed vaan H. Thijssen en G. Krekelberg.
Boe me gaar gein Hollands sprik, wel e bitsje Frans.
Boe me altied lollig is, bijj meziek en dans.
Boe me hiel gemódereerd, drink ze pötsje beer,
Dao is ’t vajerland vaan de Mestreechterneer.
Dao is ’t vajerland vaan de Mestreechterneer.
Boe me vaan dee kale sjiet, geine mieter kint.
Boe me vaan us apeland, de sjoenste meidskes vint.
Boe me zoe good lijje kint, ’ne vreigeleer,
Dao is ’t vajerland vaan de Mestreechterneer.
Dao is ’t vajerland vaan de Mestreechterneer.
Boe me wel ’ns fuive geit, gaw nao Brussel touw.
Boe me gans verstoete is, door ’t roed, wit, blauw.
Boe me z’ch zoe good versteit, mèt de Luikeneer,
Dao is ’t vajerland vaan de Mestreechterneer.
Dao is ’t vajerland vaan de Mestreechterneer.
Boe me ouch e täölke sprik, vol vaan geistigheid.
Boe ’t hertsje euverlöp, vaan verdraagzaamheid.
Boe me trouw blijf aon z’n stad, aon taol vaan Peer en Meer,
Dao is ’t vajerland vaan de Mestreechterneer.
Dao is ’t vajerland vaan de Mestreechterneer.
 
  LIMBURGSE  LEEDSJES 
 
Hieronder enkele bekende liedjes van onze Limburgse Troubadours
Harrie Bordon, Sjef Diederen, Jo Erens, Gerard Krekelberg en Frits Rademacher
 
Limburgs Volksleed
(31 januari 1909)
Tekst:  Gerard Krekelberg
Muziek:  Henri Thijssen
Waar in 't bronsgroen eikenhout, 't nachtegaaltje zingt.
Over ’t malse korenveld, lied des leeuw'riks klinkt.
Waar de hoorn des herders schalt, langs der beekjes boord:
Daar is mijn vaderland, Limburgs dierbaar oord !
Daar is mijn vaderland, Limburgs dierbaar oord !
Waar de brede stroom der Maas, statig zeewaarts vloeit.
Weelderig sappig veldgewas, kost’lijk groeit en bloeit.
Bloemengaard en beemd en bos, overheerlijk gloort:
Daar is mijn vaderland, Limburgs dierbaar oord !
Daar is mijn vaderland, Limburgs dierbaar oord !
Waar der vad'ren schone taal, klinkt met held're kracht.
Waar men kloek en fier van aard, vreemde praal veracht.
Eigen zeden, eigen schoon, ’t hart des volks bekoort:
Daar is mijn vaderland, Limburgs dierbaar oord !
Daar is mijn vaderland, Limburgs dierbaar oord !
Waar aan 't oud Oranjehuis, 't volk blijft houw en trouw.
Met ons roemrijk Nederland, één in vreugd en rouw.
Trouw aan plicht en trouw aan God, heerst van Zuid tot Noord:
Daar is mijn vaderland, Limburgs dierbaar oord !
Daar is mijn vaderland, Limburgs dierbaar oord !
 
Aanvulling  Limburgs  Volkslied.
Tekstdichter: Gerard Krekelberg (1864-1937)
Componist: Henri Thijssen (1862-1926)
Ontstaan: 31 januari 1909
Het Limburgse volkslied was aanvankelijk bedoeld als een
romantische ode op de provincie Nederlands - Limburg.
Voor de oorsprong ervan moeten we naar Roermond.
Het volkslied werd er geschreven door de Nederlandse
onderwijzer Gerard Krekelberg (1864-1937). Hij schreef
de tekst waarschijnlijk op verzoek van Hendrik Thyssen
(1862-1926), dirigent van het Roermonds  Mannenkoor, die
het lied in 1909 voor het eerst uitvoerde.
Het bronsgroen eikenhout waarover Gerard Krekelberg
dichtte waren de (ondertussen verdwenen) eikenbomen
rond het kasteel Borgitter in Kessenich.
Dit kasteel ligt op de boord van de Itterbeek op de grens
met de dorpskom van het Nederlandse Neeritter.
Gerard Krekelberg werd geboren 13 juni 1864 in Neeritter,
zijn geboortehuis staat er nog. De gemeente Hunsel, waarin
Neeritter is opgenomen, noemde het dorpsplein naar zijn
"beroemde" zoon het "Krekelbergplein".
Volgens sommige bronnen werd de vierde strofe niet door
Gerard Krekelberg gedicht, maar werd ze achteraf door iemand
anders erbij "gelapt". Het lied werd spoedig populair, zowel in
Nederlands- als in Belgisch-Limburg en geldt tegenwoordig
als "volkslied" van beide Limburgen.
 
As de sterre dao baove straole
Tekst: Frans Boermans - Muziek: Thuur Luxembourg
Zang: Wiel Vestjens en Frits Rademacher
Ik woën in de Wien en het in 't Ven,
en gluif maar, det ik mich de bein oèt ren.
Maar aovund aan aovund zal ik d'r zien,
in 't Ven in de maonesjien.
Refrein:
As de sterre dao baove straole,
en as de maon dao baove Haerunge hingk.
En dan örges in 't greun verschaole,
de nachtegaal ein leefdesleedje zingk.
Dan wil ik wandele nao Schandele met mien maedje.
Zitte kösmoele beej de Venkoele naeve 'n paedje.
As de sterre dao baove Straole,
en as de maon dao baove Haerunge hingk.
Beej edere baum, beej edere brum,
dao huërste ein hoège en liège stum.
De liège is hae, de hoège is het.
Ik zeg 't maar det geej det wet.
En wae det neet gluif, dae gluif det maar neet,
dae haet auk nog noeits in 't Ven gevreejd.
Want hatte det waal, dan hatte gezeen,
wie schoën det die maon dao scheen.
 
 
Geneet van 't laeve
Tekst, Muziek & Zang: Sjef Diederen
Refrein:
Geneet van 't laeve zolang este kins.
Maak sjpas en plezeer, du laefs toch mèr ins.
Want straks, es 't te laat is, dan hubste sjpiet dervan.
Geneet dus van 't laeve zolang es 't nog kan.
Den eine wilt dit en de angere dat.
Soms moste 't nog kriege of hubste 't gehad.
´t Is sjravele en sjoefte, belangriek is geld.
Mèr gezond zin is mieë waert op dizze welt.
't Kan toch zoeë sjoeën zin, vergaet dat toch neet.
Al hubste dien zurrug en auch dien verdreet.
Wat aoch maog gebeure, verlees noeëts de mood.
Want vreug of laat kump toch alles weer good.
Van allerlei miense zin hiej in de zaal:
De eine is diek en de angere kaal.
D'r zin d'r gezonjd en weer angere neet.
Die goan noa de dokter veur eedere sjeet.
 
 
Limburg Allein
Tekst, Muziek & Zang: Jo Erens
Refrein:
Limburg, Limburg allein
Dao geit niks boave
Zo is t’r mer ein
Es mien awd Limburg
Limburg allein
Dao geit niks boave
Zo is t’r mer ein
Dao woo ich geboare bin,
Woo m’n awwesjhoes nog steijt.
De taal, die ich toch zo gouwd kin,
Woo ich haw mien leif en leijd.
Gaon ich nao de vreamden hear,
Of wiet oet Limburg weg,
Heur ich ummer toch zo gear,
‘t gowd, ‘t kaod , ‘t slech.
Zeuk ich mich e maedje oet,
Is dat e Limburgs keindj.
Dao wo ich mich aanvertroew,
En nörgens e baeter vinj.
 
 
Limburg mie landj
Tekst, Muziek & Zang: Jo Erens
Déks kóm ich nog trök, al is dat nao jaore,
woo'ch sjpeelde, mien vrunj hauw en ouch bén gebaore.
Woo mooder in 't Limburgs vertélselkes lous,
die ich dan dernao nog éns opzegge mous.
De taal die ze leerde, die gouf ze mich mit,
en die me vanzelf ouch nooit neet vergit.
Refrein:
Al is hie gein zee, gein duune, gein sjtrandj,
toch hauwt ich van dich, mie Limburg, mie landj.
Want woo ich ouch kóm of woo ich ouch woon,
doe Limburg, doe Limburg, doe sjpins toch de kroon.
En zeen ich in ´t veurjaor dien buim dao bluije,
es de haver, de terf en ´t kaore geit gruije.
Dien weije vol blömkes, zoo wied es me zut,
dan liek 't ei sjpreukske, wat Limburg mich böd.
En zénge de veugel hun sjoonste wies,
dan bés doe veur mich 't aardsparadies.
En tref ich ze weijer, die troew auw gezichte,
woo'ch maonje derveur mich zoo op kén sjpichte.
Dan zuik ik de plaetsjkes, woo'ch vruiger haer gong,
dao ónger dat bömke, woo't bénkske éns sjtóng.
En kiek nao den hemel, zoo helder, zoo blauw,
Mie leif Limburgs landj, dat vergaet ich neit gauw.
 
 
Loeënde klokke
Tekst & Zang: Frits Rademacher
Muziek: Johnny Hoes
Dao baove in den tore, dao hange ze biejein
De zoo vertroede klokke, de grote en de klein
De klein bringt ummer bliedsjap, de grote soms ouch leid
De wénd zörg dat 't gebéjer, wied euver véljer geit
Refrein:
Loeënde klokke van Limburg mie landj
Loeënde klokke versjterke de bandj
Laot ös éns heure, wat stjeit te gebeure
Loeënde klokke van Limburg mie landj
Bim - Bam   Bim - Bam
Klokke van Limburg mie landj
Bim - Bam   Bim - Bam
Klokke versjterke de bandj
De sjoon klinkende klanke, veer heure ze zoe geer
 Ze wille ös begleije, door gans ös leven haer
En went de klokke zjwiege, dan is 't sjtil en kaal
Veer wachte dan verlangend, weir op die klokketaal
 
 
Wie sjoeën ós Limburg is
Tekst, Muziek & Zang: Harry Bordon
Es de klanke van de aovondklok weer jub'lend es muziek,
Euver ós Limburgs lendje gaon dan veule veer ós riek.
En door de aovondzon bestraold kniele kenjer veur 't kruus,
Dat ste allein in Limburg nog langs elke zanjdweg zuus.
Refrein:
Wie sjoeën ós Limburg is begrip toch nemes,
Allein de Züderling dae Limburg leef is.
Want door de jaore heen bleif Limburg onbetwis,
't Stökske Nederland dat 't sjoeënste is.
Want door de jaore heen bleif Limburg onbetwis,
't Stökske Nederland dat 't sjoeënste is.
Es ein zèl'vrig lintje is de Maas door berg en bos omzuimp,
Wo elke Zuderling dae in de vraemde is vaan druimp.
Want vèlt 't laeve soms neet mit en zeukste nao get gelök,
Blief aeve in gedachte sjtaon en dink aan Limburg trök.
En dan 't baekske woo ich nog es joong get vèsjkes vange goong,
Maar woo ich wie ich auwer woort nog dèk te druime stoong.
't Zien zo die plekskes oet dien jeugd wao jederein van druimp,
't Is jus esof dat baekske noe hiel sjtèl vertelle wèlt.
 
Harry Bordon, een van de grote Limburgse troubadours van na de Tweede Wereldoorlog.
Geboren in Venlo, getogen in Geleen en later vertrokken naar Amsterdam. Van Bordon zijn
maar 16 liedjes op de plaat gezet waaronder het bekende 'Wie sjoen os Limburg is' en ook
't Kapelke. Vijf jaar geleden bracht de stichting Luisterrijk Limburg een cd uit met materiaal
van Harry Bordon. Meer info en bekende liedjes van Harrie Bordon op:  www.l1.nl
 
 
       MESTREECHSE  LEEDSJES 
 
 
Ach Medam kómp 'ns hijj
Teks: L. Clermonts & L. van Dijk
Melodie: "Chante, chante pour moi"
Zaank: De Fiësta's
Ach Medam kómp 'ns hijj,
kómp 'ns evekes kieke.
Wie dee kleine vaan uuch,
op d'n divan vaan miech,
unne houp heet gesjete.
Ach Medam kómp 'ns hijj,
want dat maag geer bès wete.
Wie dee kleine vaan uuch,
op d'n divan vaan miech,
unne houp heet gesjete.
 
 
Achter de wolleke
Teks & Meziek: J. Blenco & H. Silver
Zaank: Frans Theunisz & de Nachraove

Refrein:
Want achter de wolleke, dao sjijnt de zon.
Hel is 't leve, 't is zónder pardon.
Al zien dao mominte, zoe hel es beton,
mer achter de wolleke, sjijnt altied de zon.

'ne Wereld vol probleme,
dreijt mer sneller sneller um us rónd.
En mer jaoge, en mer klaoge,
die remedie is gaaroet neet gezónd.
Mer probeer gans gewoen te leve,
zónder te klaoge, mèt 'ne lach.
Einen tip wèl iech uuch wel geve,
zink mer mèt miech mèt oet volle krach.
CD (1990) Diverse artiesten - "Maske" - Marlstone Recordings bv - 099020
CD (1990) Diverse artiesten - " Vastelaovend in Mestreech 2 " - Marlstone Recordings bv - 099024
CD (1995) Nachraove - " Aon de Geng " - Marlstone Recordings bv - CDL 9512
 
 
Al wat jónk is
Teks: ? - Meziek: ?
Al wat jónk is,
Zup zoe gere zup zoe gere
Al wat jónk is,
Zup zoe gere beer.
Alweer 'ne  sjöp alweer 'ne sjöp
En alweer en alweer en alweer 'ne sjöp.
Al wat jónk is,
Zup zoe gere zup zoe gere
Al wat jónk is,
Zup zoe gere beer.
 
 
Bijj mien Grameer
Teks: ? - Meziek: ?
Bijj mien Grameer op 't stupke
zaot 'n jungske veur de deur.
Heer had e leukske in zien breukske
en heer kós dao gaar neet veur.
En toen heet mien errem Grameer
op die brook 'ne lap gezat.
Jungske hoofde neet te beuke
heer had toen zie leid gehad.
 
 
Bössjeffäör Unne
Teks & Meziek: 1981: J. Blenco, J. Welbers & G. Jeanno
Oetveurend artiest: Volvo Boys
Refrein:
Unne bössjeffäör, dee heet e striepke väör.
Heer zuut lekker wiever, wie miejer wie liever.
Meh heet heer weer sjans, daan pak 'r z'ch noets dee kans.
Want heer zeet "Mien pliech geit väör", zoe is 'ne bössjeffäör.
't Toenbeeld vaan rös, zoe zit heer in zien bös.
En deit zienen toer door de stad.
Heer heet zoen gooj zin, want wee stap bijj 'm in ?
Dat is weer zoen lekker sjat.
Wie leuk ouch de meijd, gein die häöm krijg verleijd,
Al is zie nog zoe leuk gekleijd.
Al deit 't sóms pijn es heer saoves alleijn,
Mèt e meitske nao Ittere rijjd.
* EP (1981) " Stadsbös " - Helder Hof Studio Maastricht - 170481
 
 
Daan goon de lempkes aon
Teks: Sjef Duchateau  1988 - Meziek: ?
Zaank: Angelina
Diech mèt dien treurige ouge, diech höbs verdreet.
Nachte laank liks diech te wachte, mer de slieps neet.
Sleet diech neet op in dien kamer mèt al dien pijn.
Open de deur vaan dien hart, dat is zoe fijn.
 
Refrein:
Daan goon de lempkes aon, wie sterre bijj volle maon.
Gans kort bijjein maak de nach toch zoe fijn.
Daan goon de lempkes aon, wie sterre bijj volle maon.
Zing daan dit leed, daan höbs diech gein verdreet.
 
Diech mèt dien treurige ouge, boe loerste nao oet ?
Kiek wie de zon weer geit sjeine, kiek door de roet.
Al dat verdreet in dien ouge, dat geit weer veurbijj.
Kóm veur dien traone te druge hiel kort aon mien zijj.
 
Diech mèt dien doezende drumme euver l'amoer.
Es diech bijj miech weer in hoes bis maak iech dat woer.
Kiek mer, de kins al weer lache, de nach is veurbijj.
En es diech lachs, jao, daan lache veer toch allebijj.
CD-single (1998) Angelina - "Daan Goon de Lempkes Aon" - Music House Records 9801
CD (2001) Angelina - "Vaan Leefde Gaon Iech Zweve" - Marlstone Recordings bv CDL 2121
 
 
De Aw Stokstraot
Teks, Meziek & Zaank: Johnny Blenco
Jao trok vreuger in de Stokstraot de Persessie oet,
stónt ’n kruusbeeld en ’n keers veur eder roet.
Blómme waore deur dus struijde ze gekleurd pepier,
in ’t midde vaan de straot veur Slivvenier.
En kaom d’n Hiemel langs daan vele al die vruikes vaan plezeer,
en ouch de zwoerste jónges, op hun kneeje neer, beijenteer.
Jao ging vreuger in de Stokstraot de Persessie oet,
stónt ’n kruusbeeld en ’n keers veur eder roet.
 
Loup iech sóms door die sjieke straote,
dao in de buurt vaan de aw Brök.
Daan kin iech ’t gewoen neet laote,
iech deenk aon mien aw Stokstraot trök.
Toen waore nog väöl Hierehoezer,
gaans ordinair e logemint.
Vaan Philomène of vaan de Sjele,
toen stónt de buurt es slech bekind.
Toen woort die prachbuurt wat ’t noe is,
prakties door ederein gemijjd,
Umtot dao zoe dèks woort gevochte,
umtot veur geld dao woort gevrijjd.
 
Wee weit ’t nog dao in de Plaankstraot,
de kleijerwinkel vaan ’t Spook.
Wee zuut dee vruntelikke Paoter,
nog in zien hoes vlak bijj d’n hook.
En in de kaffee vaan de Kletskop,
dao maakde ze ’t dèks te bónt.
De Stómp, de Koojstart en ’t Häönsje,
de Lotsj en Kogel in de kónt.
’T is noe zoe net en sjoen gewoorde,
de buurt is nuij, gaar neet mie aajd.
Mer de Geis vaan toen dee is verdwene,
en zónder dee Geis is ’t zoe kaajd.
 
 
De Brandweer
Teks: ? - Meziek: ?
Zaank: Merretkoer
Es diech chinees its, weitste wie dat geit.
Die tuutsjes sambal zien sóms erreg heit.
De goeis diech daan e bitsje op d'n teleur.
Es diech daan preufs, veranders diech vaan kleur.
De vlamme kómme diech dan oet dien oer.
De drinks daan snel beer en loers hartstikke zoer.
Veer mote daan de jónges meh goon rope,
zie trèkke daan hun brandweerslange ope.

Refrein:
Taa tuu taa tuu, dao kump de Brandweer aon.
Taa tuu taa tuu, veer goon d'r achteraon.
Brand, brand, brand, zie mote daan goon blösse.
Brand, brand, brand, sjuif en gaank noe aon de kant.

Dao lepe ins twie jónges door de weij,
toen kaom e hiel sjoen meitske dao veurbijj.
Zie repe op dat meitske: Kóm ins hijj,
un puuneke vaan diech maak us zoe blijj.
Zie puunde hun toen lekker op de mónd,
de vlamme slooge hun toen oet hun kónt.
Veer mote daan de jónges meh goon rope,
zie trèkke daan hun brandweerslange ope.
CD (2000) Merretkoer - " 't Fees geit weier " - Pebble Music Studio - PMC001
CD (2001) Merretkoer - " 't Merretkoer LIVE " 
 
 
De keutel
1999: Teks & Meziek: PD / Patrick Lexis
Zaank (*) : Merretkoer
'T waor op zóndagmörrege, de deur stónt op 'n kier.
Dao kaom get aongedreve, al op 'n gries pepier.
 
En 't waor 'ne keutel, en 't waor 'ne keutel,
en 't waor 'ne keutel op 'n gries pepier.
En 't waor 'ne keutel, en 't waor 'ne keutel,
en 't waor 'ne keutel op 'n gries pepier.
En 't waor 'ne keutel, en 't waor 'ne keutel,
't waor 'ne keutel op 'n gries pepier.
 
Iech waor ins aon 't sjanse, 't keend had 'n lekker vot.
Iech wouw toen mèt häör danse, meh sjrók miech toen kepot.
 
Want 't waor 'ne kerel, want 't waor 'ne kerel,
want 't waor 'ne kerel mèt 'n klèdsje aon.
En 't waor 'ne kerel, en 't waor 'ne kerel,
en 't waor 'ne kerel mèt 'n klèdsje aon.
En 't waor 'ne kerel, en 't waor 'ne kerel,
't waor 'ne kerel mèt 'n klèdsje aon.
 
Iech waor ins peert aon 't rijje. iech reej mèt väöl bravoer.
Toen begós dat bies te dreije, en toen laog iech op de vloer.
 
En 't waor 'ne ezel, en 't waor 'ne ezel,
en 't waor 'ne ezel mèt 'n houte oer.
En 't waor 'ne ezel, en 't waor 'ne ezel,
en 't waor 'ne ezel mèt 'n houte oer.
En 't waor 'ne ezel, en 't waor 'ne ezel,
't waor 'ne ezel mèt 'n houte oer.
* CD (1999) Merretkoer - " 't Leve is e fees " - Pebble Music Studio - PMC698
 
 
De mennekes vaan d'n ammezuur
Teks: Jos van Herpen - Meziek: H. Box
Zaank: Ziesjoem
Refrein:
Veer zien de mennekes vaan d'n ammezuur,
make alle meidskes tureluur.
Stoere manne zien veer allemaol,
make mèt gans de kómpenijj plezeer in edere zaol.
-
Zie zien de mennekes vaan d'n ammezuur,
make alle meidskes tureluur.
Oelewappers zien 't allemaol,
gans de kómpenijj, dat is e groet sjendaol.
-
Meine tot ze alles kinne, mer ouch wie min.
Meine tot ze alles weite, mer niks zit d'rin.
Oelewappers zien 't allemaol,
gans de kómpenijj, dat is e groet sjendaol.
-
Wat geer moot wete, veer wèlle ete,
dat is genete, dat is us taol.
Klaore taol !
 
Ze wèlle sjanse en noets ins danse.
Veer haange steeds aon 't buffèt, de krijgs us noets mie mèt.
En moppe tappe, die veer neet snappe.
Jao, dat is woer, dat is wat eder wèt.
En zien ze gaar gestaof, al in hun vèt,
daan zien 't ingelkes, die slaope in hun bèd.
* CD-single (1999) Ziesjoem! - " Harie Bombarie " - Marlstone Recordings BV - CDS9901
* CD (1999) Ziesjoem! - " Störrem in e Glaas Water " - Marlstone Recordings BV - CDL 9941
 
 
De Mestreechteneer
Teks: P. Herben - Meziek: Ph. Janssen
Geef miech e pötsje beer,
daan veul iech miech Mestreechteneer.
Trèk miech e pekske aon,
daan loup iech mèt veuraon.
Want es Mestreechteneer,
gaon iech drijj daog mèt väöl plezeer.
Vaan de Vriethof tot de Maos,
boe de bónte störrem raos.
Blief toch neet stoon te loere,
wie 'n moerblóm aon de kant.
Doeg diech gaw e pekske aon,
kroep uns oet dien sjellep.
En pak miech daan bijj de hand,
de zörrig aon de kant.
 
 
De nach is nog zoe laank
Teks: Sjeng Kraft - Melodie: "Prenda Del Alma"
Zaank: Beppie Kraft
Op zeuk nao get gelök kaom iech diech tege
De drónks get aon de bar, waors get verlege
Iech waor al gaw op diech verleef dat wèl iech wete
Iech zag stèl tege diech: Blief mer bijj miech
 
Refrein:
De nach is nog zoe laank, kóm in mien errem
Tot iech diech ins verween en ins get werrem
Es iech diech zeen daan veul iech miech in d'n hiemel
Vannach wèl iech mèt diech gelökkig zien
 
In diech vónt iech de maan veur hiel mien leve
Dee iech mèt hiel m'n hart leefde kós geve
Iech waor zoe blijj tot iech diech zaog, iech had diech nudig
De wèts tot iech neet mie zónder diech kin
CD (1989) Beppie Kraft - "Beppie"- Marlstone Recordings BV - 098919
CD (1998) Diverse artiesten - "Maske" - Marlstone Recordings BV - 099020
CD (1990) Diverse artiesten - " Vastelaovend in Mestreech 2 " - Marlstone Recordings BV - 099024
CD (1990/1991) Beppie Kraft - "Karneval 1991"- Marlstone Recordings BV - 099044
 
 
De Stad vaan de Piele Hameleers
Teks & Meziek: René Innemee, Pierre Beckers, Heinz Ruemers
Zaank: Three of a kind
De stad vaan de Piele Hameleers, Hameleers, Hameleers,
de stad vaan de Piele Hameleers, dat is eus aajd Mestreech.
Heer waor get klein en ouch get gries en 'r leep es pliesie vaan Paries.
De stad vaan Tina en lang Lies, e bitsje vies, e bitsje tries.
De stad vaan Tina en lang Lies, dat is 't aajd Mestreech.
Dao langs de Knaar, de Maosboelevaar, dao kóste mèt veur 'n sigrèt.
Dao langs de Knaar, de Maosboelevaar, dao kóste mèt veur 'n sigrèt.
cd 1999: Three of a kind - "Geer, uuch en watbleef" - Marlstone Recordings bv - CDL 9836
 
 
De Vriethof op en neer
Teks: Bèr Wijsen - Meziek: ?
Refrein:
De Vriethof op en neer, De Vriethof op en neer.
Jao op de Vriethof dao zien veer zoe geer, es echte Mestreechteneer.
1
Es saoves de winkels geslote zien, d'n hiemel vol stare steit.
Daan is geine mins in gans Mestreech, dee neet nao de Vriethof geit.
Es veer dao wandele op en neer, op de maot vaan de meziek.
Daan veule veer us Mestreechteneer en zien daan de keuning te riek.
2
Wieste vreuger nog in e kuitske laogs, of in e wegelke sleeps.
En later aon 't henneke vaan de maog, d'n ierste peskes deegs.
Waor toen al neet d'n ierste gaank, es echte Mestreechteneer.
Leepste toen al neet dèks ore laank, de Vriethof op en neer.
3
Krijg e kinneke al ins e nuij mentelke, e nuij heudsje of e nuij kleid.
Daan deit ze dat 't ierste aon, es ze nao de Vriethof geit.
Daan weurt ze bekeke, beloerd, begluurd, vaan häör tiene tot häören hood.
En dat is zjus wie 't ziech huurt, dat vint zoe mamsèlke wel good.
4
En wieste bijj de broeders waors, wat woort toen neet nao sjaol.
Oppe Vriethof gehuif, gekókkereld, um dee lanteriepaol.
Dao woort gemetsj en goolgesjot, de jasse en mappe op huip.
Meh zaogste 'ne govie of kèttelpiejot, daan góngste gaw op de luip.
5
Es de sjeut vaan de Momus gevalle zien, daan is 't Karnaval.
Daan is op de Vriethof lol, plezeer, daan is op de Vriethof bal.
Daan weurt gesprónge, gedans, gehos, heet ederein plezeer en vermaak.
En weurt door de gekke um de kios, 'ne spiereling gemaak.
6
En zaogste al 'ns e meidske geer, wat Ma nog neet wete móch.
Daan truusdeste diech ederskier mer weer, iech zeen 'r op de Vriethof toch.
En waors 't dao daan ins get drök, waor nónk of tant sóms trop.
Daan góngste stiekem mer de weeg, langs Dickhout 't kluusterke op.
7
En goon veer vrije ins veur vas, is 't smókkele neet mie vaandoon.
Daan wèt 'n eder jao al ras: Veer same nao de Vriethof goon.
En zien veer later ins getroud, veer blieve de Vriethof trouw.
En lieren eus kinder daan al gaw, de weeg nao de Vriethof touw.
8
En zien veer ins aw mennekes, jao, is 't haos mèt us gedoon.
Es veer daan nao d'ellefore Mès, in 't zönneke wandele goon.
Daan dinke veer nog wel 'ns trök, aon alle vermaak en plezeer.
Wat veer op de Vriethof höbbe gehad, es awwe Mestreechteneer.
9
Meh 't sjoenste vaan euze Vriethof jao, zouw iech dat vergete zien.
De duifkes, die noe vlege dao, al in de zonnesjien.
En daan de lempkes in de buim, tiendoezend wel op 'nen houp.
Getuige vaan trouw aon 't Keuningshoes, meh ouch aon de stroumverkoup.
 
 
De wien vaan Slavante
Teks: Pie Leenders - Meziek: Jef Humblet
Zaank: De Wieker Hofzengers
Refrein:
Wien, wien dat moot 't zien,
veer hove noe gaaroet neet mie nao de Rien.
Want langs de Maos dao is ouch kultuur,
Sint Pierre de Slavante dat is puur natuur.
 
't Waor de sfeer vaan 't beer, jao dat hadde veer geer,
bijj 't leeg vaan de awwe lanterie. 
En 'n glaas keul en naat, veers getap oet 't vaat,
 daan vergaote veer alle miserie.
Meh sins kort vraoge dèks miejer klante,
nao de wien, jao de wien vaan Slavante.
 
De maond meij keul en naat, völt de sjeur en 't vaat,
is 'n spreuk die hijj dèks woort gesproke.
Kump in juli de zon, völt oktober de ton,
daomèt is die tradisie gebroke.
Want me vraog noe vaan väöl miejer kante,
nao de wien, jao de wien vaan Slavante.
 
In 'n sjiek rèstorant, dao bestèlt 'ne klant,
e dineeke veur ziech en z'n dame.
En d'n ober dee knik, mèt d'n angs tot heer brik,
en heer dink: Jao die viere get same.
Bijj de wienkaart daan wèt heer vaan wante,
es ze vraoge nao de wien vaan Slavante.
www.dewiekerhofzengers.nl
 
 
Diech bis mèt goud
Zaank: Beppie Kraft
Refrein:
Diech bis mèt goud, mèt goud neet te betaole.
Geine diamant, kin zoeväöl leech oetstraole.
Diech te bezitte en diech te besjerreme.
Zal nao vendaog, m’ne levensinhaajd zien.

Kumpste e leuk meidske tege en in d'n hart brand e vuur.

Biste e bitsje verlege, dat geit zoe in de natuur.
Pakste häör ónder d'n errem, prónkste mèt häör in de stad.
Kreigste sóms kaajd en sóms werrem, daan zèkste tege dee sjat.
 
Este daan jaore getroud bis, weure d'n haore get gries.
Wètste wat leefde en leid is, biste gelökkig en wies.
Zèkste daan tege d'n kinder, totste ’t zoe good höbs gehad.
Daan loerste weer nao dien vruike, zèkste weer tege dee sjat.
 
 
D'n Ingel vaan Mestreech
Wäörd: Marjos Hardy - Meziek: Harry Geurts (Harry Holland)
Zaank: Frans Theunisz
Zuug häöm 'ns danse, zuug häöm 'ns sjanse,
dat is d'n Ingel vaan Mestreech.
Huur häöm 'ns zinge, zuug häöm 'ns springe,
dat is d'n Ingel vaan Mestreech.
Kiek, dao geit heer weer 'ns ónderoet.
Höllep, dao geit heer op zien snoets.
Daan steit heet op, dao geit heer weer,
bezörreg de luijkes väöl plezeer. 
CD : Diverse artiesten - " Vastelaovend in Mestreech 3 " - Marlstone Recordings bv - CDL 9605
 
 
Es 't Mooswief
Teks, Meziek en Zaank: Tera van Lier
Refrein:
Es 't Mooswief weer op de Vriethof hink,
geit eder Hermenie d'r tegen aon.
Es ederein veur häör weer e leedsje zink,
en iech dan zoe gelökkig bijj häör staon.
Daan dink iech eve: Lang zal ze leve !
Ze liet Mestreechter Geis herleve !
Es 't Mooswief weer op de Vriethof hink,
staon iech weer klaor, dao kinste vaan op aon.
 
En es de wind weer door häör rökske weijt,
Is 't ganse plein zoe drök bezeijt.
Maak zie vaan groet tot klein 'n eder blijj,
Daan staon iech aon häör zijj.
 
En zeen iech häöre leve lach,
Höb dao 't gans jaor op gewach.
Is zie weer dao mèt häör sjoen klumpkes aon,
Daan staon iech weer veuraon.
 
En es zie vaan us aofsjeid nump,
Es aon 't fies 'n einde kump,
Wach iech mèt weejmood op 't kómmend jaor,
Want daan staon iech weer klaor,
Jao daan staon iech weer klaor.
 
 
Eus aajd Mestreech
Teks: ? - Meziek: ?
Zaank: De Zingende Pótsvrowwe
Eus aajd Mestreech is 'n eerds paradies
Boe kinste sjoender vinde ?
Steij zoe wie Londe, Berlien of Paries
Kinne us neet verblinne.
En de meidskes zien sjoen
En 't beer smaak nao wien.
Wee zouw neet gere
Mestreechteneeer zien ?
Eus aajd Mestreech is 'n eerds paradies
Leve de lekker wiever !
 
 
Eus Mestreechter taol
D. Vangarde & J. Innemee - Melodie: "Vive le douanier Rousseau"
Zaank: De Drei Köp

De zon sjijnt sjoen Sjeng en dien sjeun zien erreg sjiek.
Bove de riviere klink dat get kemiek.
De waor steit in de kiekoet, zèt de kenkee noe mer lieg.
'n Knievel op dien lip beteikent haor op die geziech.
'ne Groete bavvie is gewoen 'n groete moul.
E look in de grónd, jao dat neume veer 'n koul.

Ze is neet breid, ze is neet breid.
Mer ze is laank, mer ze is laank.
Eus Mestreechter taol, 't sjoens vaan allemaol.
En veer trèkke ze laank, want dat gief zjus de klaank.

Tappesere doen veer mèt tepiet.
Leef medam, eur humme is te wied.
Lammentere is gewoen gezeik.
Lómmele verköp ste aon 'de Reik'.
'n Kachel in de keuke hèt bijj us 'ne kwiezenjaer.
En al deez leuke wäördsjes höb iech oet d'n diksjenaer.
LP (1987) Diverse artiesten - "Vastelaovend same 3" - Marlstone Recordings bv - MARL 098716
CD : Diverse artiesten - " Vastelaovend in Mestreech 1 " - Marlstone Recordings bv - 098902 CD
 
 
Hakke op 't heukske vaan de Brakke
Teks: ? - Meziek: ?

1
Hakke stónt te kakke op 't heukske vaan de Brakke
En toen kaome twie klabakke en die naome Hakke mèt !

2
Frisse stónt te pisse in d'n hoof vaan de Klarisse
En toen kaome twie pelisse en die naome Frisse mèt !

3
Sijje stónt te speije in de Wolderse kóntreije
En toen kaome twie lakejje en die naome Sijje mèt !

4
Nieste stónt te sjiete in d'n hoof vaan de Zjezwiete
En toen kaome twie bandiete en die naome Nieste mèt !

5
Pluime stónt te fluime boe de bere wel 'ns druime
Twie die snie op gónge ruime naome Pluime stiekem mèt !

6
Jeuke stónt te beuke bijj de nonne in de keuke
En toe kaome twie zoe 'n leuke en die naome Jeuke mèt !

7
Knolske drónk e bolske op de Merret bijj Pie Knolske
En toen veulde ze aon ze polske en ze naome Knolske mèt !

8
Dasse stónt te plasse in de Staar achter de basse
En toen kaome twie paljasse en die naome Dasse mèt !

9
Kleine stónt te grijne bijj z'n Ma achter de gardijne
En toe kaome twie hiel fijne en die naome Kleine mèt !

10
Meeze waor aon 't peze, wouw de berreg op goon sjeze
En toe kaome twie Chineze en die naome Meeze mèt !

11
Bolle laog te rolle mèt de maog vaan Oswald Kolle
En toen kaome twie aw snolle en die naome Bolle mèt !

Dit leed weurt miestal in beslote gezèlsjappe gezoonge.
Al nao de beslotenheid weure de nudige variaties trop gemaak.
Zoe zeet me tot 't kouplèt euver Oswald Kolle door Charles Thewissen zaoliger zouw zien gemaak.
 
 
Heer späölde Accordeon
Teks: Ben Erkens - Meziek: ?
Zaank: Beppie Kraft
De jaore, ze vloge veurbijj, die beelde, ze bleve miech bijj.
Vaan Pap en Mam, mien awwershoes, iech dink aon vreuger bijj us toes.
Pap waor beroopsmuzikant, heer reisde door stad en door land.
Meh waor heer ins aof en tow vrijj, zaote veer kinder aon zien zijj.
Want euze pap, jao euze pap ...
 
Refrein:
Heer späölde accordeon en daan zóng ederein.
Heer späölde accordeon, zoe kós heer dat allein.
Heer späölde accordeon en daan zóng ederein.
Mèt hart en mèt ziel, muzikaal en subtiel,
zoe kós heer dat allein.
 
Heer maakde meziek daag en nach, heet hiel väöl sjoen leedsjes bedach.
Die zinge de luij toch zoe geer, al hiel väöl jaore mèt plezeer.
Dat krijg heer veur zien leedsjes trök, dao-in lik zie groetste gelök.
Daan späölde heer veur zie publiek al zien sjoen leedsjes, zien meziek.
Want euze pap, jao, euze pap ...
CD (1999) Beppie Kraft - " Walse en polka's " - Marlstone Recordings bv - CDL 9904
 
 
Heiligdomsvaart
Teks: ? - Meziek: ?
Alle zeve jaor is in Mestreech 'n groete Heiligdomsvaart
Dee geit gepaard mèt hiel väöl sjiek,
Straote sere veer daan manjefiek.
Meh dit jaor had me get sjoens bedach,
'nen optoch georganiseerd.
Me wouw de luij noe toch 'ns eve laote zien
Wat 'n bereumde manne in eus Mestreech nog zien !
 
Groete plakkate hónge op
Dao sting 'ne sjieke trompötter op.
Ze waore verspreid in gans 't land
Mestreech veuroet is bijj-de-hand
Vaan Kölle en Aoke en iech weet neet mie
Zellefs de luijkes vaan aon de zie
Die waore potdomme nao eus aajd Mestreech gekómme.
 
Es nómmer ein achter de meziek
Kaom 'n gymnestiek vereiniging aon.
Einentwintig Bisjöpkes oet de stad
Die veer vreuger höbbe gehad.
Ze lepe ferrem in de pas, violette linte hadde ze vas
En me kós ziech good verklaore
Wie jónk die bissjöpkes in deen tied nog waore.
 
Toen kaom 'ne groete wagel op
Mèt twie groete hèllege d'rop.
Aw petroens vaan aon de Maos
Veurgengers vaan euze Sintervaos.
Ze stónte te waggele wie 'n kas
Die kèrrek stónt ouch gaar neet vas
Monulphus begós te neeste
en Gondulphus knikde 'ns tege z'n leefste.
 
De lauwerkrans, iech vergeet 't noets
Die is altied op häöre pos.
'n Ierewach ging dao veurop
In de sjoenste pekskes oetgedos.
'n Juffrouw waos gezete op e roedbroen häörig peerd.
Jao, dee heel zich kraonig, jao ze rijde ònverveerd.
 
D'n aartshertog waor 'ne pruus,
Dee heel ziech kalm bijj dat gedruus.
Aon edere kant 'ne maan of drijj
Mèt 'nen degel aon hun prei.
En achterop 'n hiel comp'nie
Sjötters, seldaote, iech weet al neet mie
En op hunne kop droge zie e merremitsje
 
Die vaan de landbouw waore ouch debijj
Die hadde heures op hunne kop.
Ridders gestieveld en gespaord
Mèt geziechte roed behaord.
Die kerels zaote flink te peerd
Dat waor de meujte weerd,
Wie ze veur 't Stadhoes höbbe gedefileerd.
 
Toen kaom keizer Sjèlderik
Op de sjummel vaan Pie de Mik.
Keuning Dagelbertus ein veel devaan op Slevrouweplein
En Karel Martel d'n Hofmeier
Dat waor ouch 'ne leuke vrijer
Dee góng z'ch nao haaf ein toch nog sigare koupe.
 
De Staar die waor ouch hiel sjoen
Die hadde Griekse kinderkes veurop.
Kanunneke en de magistraot
En hiere vaan de gemeinteraod.
'n Keizerin waor ouch debijj, die waor de meujte weerd
Die had ziech veur deen daag häöre knievel aofgesjeerd.
 
Toen kaom Keizer Karel vijf,
Op de voes vaan Zjang vaan Lijf,
Sjötters vaan St. Sebastiaon
Mèt pekskes vaan hunne grampeer aon.
En de aw Hermenie vaan Hier,
Die späölde louter kier op kier...
Zeker doezend kiere ein en 't zelfde deunsje.
 
't Patronaat vaan Sint Mathijs
Die hadde ouch 'ne sjoene groep
Sint Amor góng dao veurop
Dee had 'n sjaopevel op z'ne kop.
Dao achter kaome ridders en kanunneke aon.
Sint Clarow en keizer Barbarow.
 
Meh nóndedjouw zag 'ne boer oet Bun
Dee Bisjop heet 'm lielek um
Zuug 'm 'ns waggele mèt z'ne staaf
Dee mins is zeker neet mie braaf.
Haw d'ne mónd zach dee Bisjop toen,
Iech höb wel degelik me fetsoen,
Iech bin neet zaat, iech höb m'n pu kepot geloupe.
 
Dit leedsje weurt gezónge door Har Lamkin, dee 't leedsje gelierd 
heet vaan z'ne nónk Chris (Sjaon) Hulst zaoliger (1900-1984) dee
hiel lang geleije amateur zenger / conferancier waors.
 
 
Hiemeltango
J. Boermans, F. Driessen, J. Theelen & B. Verdellen
Org.: (melodie: "Hiemeltango")
Oetveurende artieste: De Nachraove
 
Iech laog laankoet te druime in mien bèd,
en in deen druim naom iech diech mèt.
Veer kaome veur de Hiemelpoort te stoon,
en Petrus leet us binne goon.
Daor waor un bal en Gabriël zag: opgelèt.
Dans geer gerus mèt us d'n Hiemeltango mèt.

Refrein:
Iech dans mèt diech in d'n hiemel unne tango,
euver de wöllekskes, mèt doezend ingelkes, op en neer.
Dien gans geziech straolt zoe hiemels bijj deen tango,
es iech daan fluuster zach: iech zeen diech toch zoe geer.
Door zèllevere straole zweve veer, wie 'n vleegmesjien,
noe veer einmaol same in d'n zevende hiemel zien.
Iech dans mèt diech in d'n hiemel unne tango.
Ach, leve hiemel toch, wat zouw dat hierlik zien.

Hubertus späölde hiel sjoen saksefoon,
en Jozef sloog de sielefoon,
Lewieo zaot neve Petrus z'n kornèt,
’t waor Janet  aon ’t spienèt.
En Sint Servaos, dee sloog de róffel op zien trom,
en Sint Cecilia, die zóng toen rommelebom.
CD (1991) Nachraove - "Laot mer goon" - Marlstone Recordings bv - 099132 CD
 
 
In de Bergoonje
Refrein:
In de Bergoonje, in de Bergoonje, wat zouw dao zien ?
In de Bergoonje, in de Bergoonje, vruikes zoe fien ?
In de Bergoonje, in de Bergoonje, ein of aander wief ?
Dao zal wel troelalala, wel troelalala, wel troelalalake zien !
 
Je suis 'n Frans Mamzelke, d'r is miech get passé,
iech waor lèts op vekansie, dao reep eine: Olé !
Après kaom de surprise, daorum bin iech icie,
iech moot nao de Bergoonje touw, weit geer dat nóndepie ?
 
Iech bin die Annaliese, iech kóm von Köln am Rhein,
dao waar iech mèt mien Frensje, der tat miech was im wein.
Das ist miech slech bekómme, iech fühl miech jetz so weich,
iech moes zur Bergoonje jetz, weit geer der weeg vielleich ?
 
Ik ben 't Godelieveke vaan Zichem Zussem Bol, 
ik ben 'n hiel sjoen wieveke en haw ouch väöl vaan lol.
Awel Medams Mesjeukes, zoe kaam ik hier terech,
ik moet naar de Bergoonje toe, weit geer mesjien de weg ?
 
 
In Hier dao is 'n Hermenie
Teks: ? - Meziek: ?

In Hier dao is 'n Hermenie
Die besteit mer oet 'ne maan of twie
Refrein:
Fiederalala fiederalala
Fiederalalalala.

In Hier dao is 'n foetbalklup
Die laam en stief 't veld op krup

In Hier dao is 'ne peliesieagent
Dee loert de kinder op hun zóndagssent.

In Hier dao is 'ne groete weeg
Dee liekent väöl op 'ne boeteweeg.

In Hier dao is 'ne Helios
Dao zitte alle steulkes los.

In Hier dao is 'nen herdershónd
Dee löp dao in zien bloete kónt

In Hier dao is 'ne Gemeinteraod
De späölt mèt huive oppe straot.
 
 
In Sinservaoskèrrek
Teks: ? - Meziek: ?

In Sinservaoskèrrek al in ’t portaol,
Dao spreke de Heilige doufstómme taol.

Refrein:
Fiderallalala, fiderallalala,
Fidera, fidera, fiderallalala.

Sint Pieter dee huurt get en zeet hiel verlege
“Iech geluif tot hijj eine get heet laote vlege”

“Wat iech” ? zeet Ambrosius “Iech haw me fetsoen,
iech zouw miech wel wachte um zoeget te doen”

Bonefatius weurt koed en zeet gans brutaol
“Iech höb niks gedoon en iech vin ’t e sjendaol”

Franciscus steit achteraon tege de roete
“Iech weit nörreges vaan en iech haw miech deboete”

Antonius dee zeet “Gedraag uuch wie ’t huurt,
iech höb ’t hiel dudelik al twie kier gehuurd”

Canisius dee zeet “Iech höb niks gedoon,
man hat da geschossen” meinde dee te verstoon.

Monulphus weurt vals, tot me häöm kós verdinke
“Dach geer nóndedju, tot iech hijj staon te stinke” ?

Aloysius hèlt z’n ouge ten hiemel geslage
“Och Jezus, die loch die is neet te verdrage”

“Wee zeet” zag Sint Rochus “dat veer hijj dat dege ?
Mesjiens zien ze op ’t kloester de huiskes aon ’t vege”

Gondulphus dee brölde vaan achter ‘ne pilaar
“Es miech eine get zeet nouw, dee houw iech veur z’n staar”

“t Is te erreg” zeet Paulus “Wèlt geer wel ‘ns zwiege,
um veur e doedgewoen puupke zoe ’n ruizing te kriege”

Sint Servaos dee zag niks, stónt zoe stèl wie ’n moes
en dach bijj z'n eige “Meh iech bin hijj toch toes”

Sint Pieter zeet op ‘t lèste ”Loate veer noe mer hope,
tot ’t noets mie gebäört” en zèt ’t vinsterke ope.
 
 
In 't Kaffee
Teks: ? - Meziek: ?

Refrein:
In 't kaffee dat gezèllig kaffee, dao kin me d'n damp
vaan sigaar en sigrèt en vaan piep haos wel snijje
Dao greujt de sfeer bijj e dröpke of beer
Dao sleit nog de klok eder oor e keteer
In 't kaffee, in 't kaffee

't Is dao neet sjiek, meh dao is romantiek,
dao klink 't klik-klak vaan biljarte.
En de kastelein dee kin ederein,
dee tap dao z'n pèlskes vaan harte.
Dao weurt gefluusterd en dao weurt gelach,
de sjoekboks in 't heukske dee späölt daan hiel zach.

En aon 't buffèt, boe dèks niemand op lèt,
dao drink eine stèl zien kónjekske.
Heer kump altied trök en zit op die krök,
dat is noe al jaore zien plekske.
't Gief aon zie leve get inhaajd en kleur,
heer huurt noe al jaore tot 't interieur.

D'n ober is meuj, heet pijn aon z'n veuj,
toch wèrrek heer mèt väöl ambisie.
Es iemand get wèlt, aon häöm get bestèlt,
daan goeit heer ziech good in posiesie.
Heer sjriejt z'n bestèlling daan nao 't buffèt,
veer pèls en twie aajd, eint zónder, eint mèt.
 
 
Jao us Mestreech
Wäörd en Meziek: F. Theunisz & T. Hermans
Melodie: "Oh Carolien"
Zaank: De Nachraove

'T maak niks oet, biste errem of hiel riek,
al woen ste sóms op Daalhof of in Wiek.
Door 't midde löp de Maos, stad van Sint Servaos.
Geine mins maak 't bezwoer, kóm zink noe mèt in koer.

Refrein:
Jao us Mestreech, jao us Mestreech.
De maaks us sóms zoe werrem van binne, jao us Mestreech.
Plezeer, kins diech us geve, väöl sjoens höbbe veer gehad.
'T steit euveral gesjreve, Mestreech diech bis 'n wereldstad.
Jao us Mestreech, jao us Mestreech.
De maaks us sóms zoe werrem van binne, jao us Mestreech.

'T maak niks oet, wee ste bis of wat ste deis.
In us blood dao zit allein Mestreechter Geis.
'N stad wie klaore wien, is 't sjoenste wat kin zien.
Veer spreke us eigen plat en zinge veur us stad.
CD : Diverse artiesten - " Vastelaovend in Mestreech 1 " - Marlstone Recordings bv - 098902 CD
CD (1989) De Nachraove - "Hoppa" - Marlstone Recordings bv - MARL 098912
 
 
Kinder vaan Mestreech
Wäörd en Meziek: Johnny Blenco


Refrein:
Veer zien allemaol, kinder vaan Mestreech.
Spreke saam ein taol, kinder vaan Mestreech.
Kóm reik us de hand, veer goon saam op weeg.
Want veer zien allemaol, kinder vaan Mestreech.

Mestreech breijt oet, Mestreech weurt groet,
dao mote naobers ónder lijje.
Dörrepkes hijj, dörrepkes dao,
dat is helaas neet te vermijje.
Kóm weer daobijj mer luij zeet blijj,
geer weurt gegarrendeerd tevreije.
Want opgelèt veur tot geer ’t wèt,
zink geer dit leedsje mèt us mèt.
 
 
Laot us Same
Teks: Beppie Kraft - Melodie: "Va pensiero" (Verdi)
Zaank: Beppie Kraft

Refrein:
Laot us same genete van 't leve,
en in vräögde weer ederen daag beleve.
Want 't leve, dat doort toch mer eve.
Daorum zinge veer hijj weer tesaam: Maak get devaan.

'ne Lach en blijj geziech steit toch 'n ederein,
dus geneet vaan 't leve, 't leve dat is zoe fijn.

Es de zon in ut leve sóms ins evekes verdwijnt,
jeh dat mote veer daan hiel gaw vergete.
Want dao kump 'nen tied tot ze veur ederein weer sjijnt.
En daan zien al eus zörreg ouch weer veurbijj.

't Gelök, dat kump niemand us bringe,
daorum is 't zoe fijn um te zinge.

Laot us same genete van 't leve,
Daorum zinge veer hijj weer tesaam: Maak get devaan.
Lach en zing ederen daag, lach zoe lang es 't maag.
Lach en zing ederen daag, lach zoe lang es 't maag.
Lach en zing, zing en lach.
 
 
Meh, me lepke !
2004/2005: Teks: Lou Clermonts - Meziek: Ludy van Dijk
Zaank: Hans Dupont

Trees dat is ’n hiel gooj blöts en altied in veur e grepke,
mer geit 't bove häör möts sjriewt ze kejhel “Meh, me lepke“ !

 Refrein:
..............(accordeon)..............meh, me lepke !
..............(accordeon)..............meh, me lepke !
..............(accordeon)..............meh, me lepke !
..............(accordeon)..............meh, me lepke !
 
Trees had veur de Vastelaovend slingers ingekoch,
toes gekómme mós dat ganse spul nog in de loch.
Trees die is ein-vieftig laank dat is e bitsje klein,
daobijj heet ze huugtevrees en óngelieke bein.
E bitsje bang en eigewies stónt Trees m’ch op e trepke,
de hiele handel kwakde um zie sjriewde “Meh, me lepke“ !

Trees steit mèt d’n optoch miestal veuraon in de straot,
zuut ze masjorètsjes sprink ze mèt mer oet de maot.
Trees is neet de jóngste mie dat is gewoen e feit,
en de GéGéDé steit klaor es Treeske springe geit.
Zie deit es of ze twintig is jao dat is ech gein grepke,
vaan wiet aof huurste ’r sjriewe hiel hel “Meh, me lepke“ !
 
 
 
Mestreech
Teks: ? - Meziek: ?
 
Wat is eus Mestreech toch veranderd
In zoe 'nen hiele korten tied
Ederen daag zuuste hijj ouch get aanders
Dat zuuste neet ore wied
Kumste vaan 't spoor
Tot euver de brök
Daan steiste verwónderd te kieke
Dee weg is gewees
Kin ziech neet mie trök
't begint op Paries te gelieke.
Mestreech Mestreech
Sjoenste 'stad aller stede'
Zuug mer op d'n bewoeners neer
'n Stad um diech op te verleve
Mestreech Mestreech
Sjoenste 'stad aller stede'
Och waor 't in eder plaots nog zoe
Veer hadde d'n hiemel op eerde.
 
 
Mestreech is neet breid
Wäörd: Johan Pletzers - Wijs: Armand Preud'homme
Zaank: De Zingende Pótsvrouwe

Refrein:
Mestreech is neet breid meh Mestreech dat is laank.
Mestreech is de stad vaan de Gezèlle vaan de Zaank.
Niks is te lestig en niks is te zwoer,
want vrundsjap dat is noe zjus de krach vaan us koer.

Veer zien hijj gezèllig es vrun ónderein.
Us te ammezere vinde veer zoe fijn.
Vergete is de zörreg die sóms op us drök.
Daorum kómme veer edere maondag trök.

Es veer zoe bijjein zien is 't miestal raak.
Daan weurt noe en daan de kachel aongemaak.
V'r zègke wel ins hommel meine dao niks vaan.
Drinke us e gleeske en veer zinge daan.
 
 
 
Mie leef Mestreech
Trad. Jos Kuijpers
Zaank 1: the All Sounds en Zingende Pótsvrouwe
Zaank 2: Beppie Kraft
Zaank 3: Wieker Hofzengers en vocalgroup Logo
Mie leef Mestreech, boe ste ouch kumps, boe ste geis,
blijf toch Mestreech, stad mèt historie, victorie,
en ouch wel ins get tegeslaag.
Toch bin iech gruuts op Mestreech, ederen daag.
 
Stad aon de Maos, de hoofs diech veur niemes te sjaome.
Stad vaan Servaos, 't hart vaan Mestreech dat blijf sloon,
zjus zoe lang es heer de wach hèlt.
Komp mer gerös nao Mestreech, es geer wèlt.
 
Es kleine grummel waor iech al gruuts,
jao, tot mien weeg oets moch stoon in Mestreech.
 
La la la, la la la, la la la, la la la la.
Niks is te good veur Mestreech.
 
La la la, la la la, la la la, la la la la.
Zing 't mer oet veur Mestreech.
 
Single (1985) All Sounds en Zingende Pótsvrouwe
CD (2001) Beppie Kraft - " Zingend door 't leve " - Marlstone Recordings bv
 
Dit lied is in 1997 opnieuw opgenomen in de Marlstone Studio
voor de verzamel CD Preuvenemint 15 jaor Artieste.
Op 31 mei 2008 hebben wij onze nieuwste CD gepresenteerd:
All Sounds - Danse ? Daan neet. Ook op deze CD is weer een
versie van 'Mie leef Mestreech' opgenomen, deze keer met
de koren van Wieker Hofzengers en vocalgroup Logo.
www.allsounds.nl
 
 
 
Mie Mestreech
Zaank: Benny Neyman
Iech zeen d'n hoezer en d'n straote
Boe iech höb gespäöld es keend
Iech zeen 't Vriethof
En de nuij en aw Maosbrök
Iech höb d'ch väöl te vreug verlaote
En been väöl te väöl vervreemp
Toch verlang iech in gedachte nao d'ch trök
 
En diech hèls d'n errem ope
Diech brings miech get teweeg
Dus iech kóm weer trök gekrope
Kroepend nao Mestreech
De bis gaaroet neet veranderd
Diech hèls altied voot bijj stök
Toch verlang 'ch in gedachte nao diech trök
 
Nao mie Mestreech, Mie Mestreech
Altied zalste blieve, Mie Mestreech
 
Iech höb euveral gezworreve
Meh toch kaom iech altied trök
Nörgens aanders voont 'ch mie gelök
Iech huur stumme die m'ch roope
Wienie kumpste weer trök
Daorum gaon 'ch in gedachte altied trök
 
Nao mie Mestreech, Mie Mestreech
Altied zalste blieve, Mie Mestreech
 
Nao mie Mestreech, Mie Mestreech
Altied zalste blieve, Mie Mestreech
Altied zalste blieve, Mie Mestreech
 
 
Mie Mestreech
Teks: ? - Meziek: ?

E leedsje vaan miech, zing iech hijj veur diech,
Veur diech mien gooi stad mie Mestreech.
Doorkruus vaan de Maos, stad vaan Sint Servaos,
Boe vreuger ziene zetel ins waor.
Boe heer neet mie woent, meh nog altied troent,
De stad wie eus land mer ein kint.
Boe niemand us rouf eus aajd gelouf,
Meh trouw zien religie bekint.
Dao klink ouch bijj zaank en bijj klokkeklaank,
Bijj vräög, bijj vräög en verdreet mer ei leed:

Treech veer zien aon diech gehech
Iewelaank vochs diech veur dien rech.
Dao boe die hiel aw Kèrreke stoon
Boe veer nog in de persessies goon.
Treech, mien oug op dieg geriech
Blijf tot mien doed touw altied mien pliech.
Dao boe iech leef en sterreve zal
Mestreech, diech bovenal.

Mestreech heet 'n taol veur eus allemaol,
De taol vaan eus stad, eus Mestreech.
Veur eder geliek, veur errem en riek,
Jao, mèt 'ne klaank wie meziek.
Me zink bijj de weeg in eus good Mestreech,
De taol die allein hijj me kint.
Die grameer us liert en moojer mèt iert,
En vaajer de sjoenste taol vint.
Dao klink ouch bijj zaank en bijj klokkeklaank,
Bijj vräög, bijj vräög en verdreet mer ei leed:

Treech veer zien aon diech gehech
Iewelaank vochs diech veur dien rech.
Veur de taol hijj al oet dien stad
Die me bewaord es de groetste sjat.
"Taol", veer blieve trouw aon diech
Me sprik zien taol, want dat is eus pliech.
Eus taol die toch noets sterreve zal
Mestreech ! Jao bovenal !
 
 
Mien Leef
Arrangeur: Frans Vink - Meziek: Paul Brouwers
Wäörd en Zaank: Janine Coenen
Refrein:
Es iech diech zeen mien Leef,
kreig iech vleugels en iech zweef.
Ingelkes zinge veur diech en veur miech.
Geef miech 'n hand, daan dans iech mèt diech.
 
Wie iech diech d'n ierste kier zaog, 
op de aw Maosbrök.
Kraog iech metein 'n knuip in de maog, 
diech brachs miech finaal vaan m'n stök.
Dien haore die waore zoe zwart wie de nach,
dien ouge twie steerkes zoe sjoen.
Dien prachtige lippe zoe vol en zoe zach,
iech snakde nao 'ne poen.
 
De ierste poen dee vergeet iech neet mie,
't waor bijj de Berekoul.
Diech höbs ouch al biste de jónkste neet mie,
nog altied 'n lekker moul.
Hijj stoon veer noe op d'n tiende baog,
vaan de aw Maosbrök.
Niemes wis tot dee verborrege laog,
zjus wie us gelök.
 
Es iech diech zeen mien Leef
kreig iech vleugels en iech zweef.
Ingelkes zinge veur diech en veur miech
geef miech 'n hand daan dans iech mèt diech.
Es iech diech zeen mien Leef
kreig iech vleugels en iech zweef.
Zweef iech steeds hoeger zónder gewiech, 
hool miech nao ónder daan dans iech mèt diech.
 
 
Och Meerke leef
Teks: ? - Meziek: ?

Och meerke leef, sjeij oet mèt sloon,
iech zal noets mie nao Meersse goon.
Och meerke leef, sjeij oet mèt sloon,
iech zal noets mie nao Meersse goon.
En in Meersse höbbe veer zoe'n lol gehad
en wie iech thoes kaom,
höb iech op m'n moul gehad.
En in Meersse höbbe veer zoe'n lol gehad
en wie iech thoes kaom,
höb iech op m'n moul gehad.
 
 
Ode aon de Kachelpiepers
Teks, Meziek en Zaank: Tera van Lier
Refrein:
Lèt op, dao koume de Kachelpiepers aon,
in hun sjoen pekskes, mèt alles d'rop en d'raon.
Hun klasse en gooje stijl weure zie noets kwiet.
Jao, zie höbbe trouw gezwore veur altied.
 
In Sjotse rökskes, mèt roete blökskes,
zien zie de luij al zoeväöl jaore gans vertrouwd.
Wie zie marsjere, ziech prizzentere,
zie verdene zoonder mie 'ne pluim vaan goud.
 
E pèls of dröpke hèlt hun gezoond.
Jao, zoe trèkke zie d'n hiele wereld roond.
't Is de vrunsjap, dee hun verbindt.
Dat zien de mennekes vaan us Garderizzjemint.
 
 
Ode aan Maastricht
Benny Neyman
Kom met me mee naar Maastricht
Voor wie niet weet waar dat ligt
Ergens in het uiterste zuiden van het land
Parel van het Limburgse land
Stad met een eigen gezicht
Door de Romeinen gesticht
En door de Fransen beïnvloed als geen
Kom maar, dan gaan we er heen
 
Kom met me mee en flaneer
Proef die Bourgondische sfeer
Stad van traditie, van wierrook en bier
Altijd het grootste plezier
Stad aan de kolkende Maas
Weinig bezongen, helaas
Stad zoals jij bent, zo is er niet een
Kom maar dan gaan we er heen
 
Hmmmmm, hmmmmmm, hmmmmm, hmmmmmm
 
Kom met me mee naar Maastricht
Stad met het oude gezicht
Stokoude straten maar jong nog van hart
Altijd een beetje apart
Stad aan de kolkende Maas
Weinig bezongen helaas
Zo'n zachte G als jij heeft er niet een
Kom maar dan gaan we er heen
Stad als een onuitgesproken gedicht
Kom met me mee naar Maastricht
 
 
Ode aon Mestreech
Benny Neyman
Kóm mèt m'ch mèt naor Mestreech,
boe iech mie luijerke kreeg.
Hieringe biete mèt André Rieu,
Walse met pijn in m'n veuj.
Stad vaan zoer vleis, rommedoe,
Mestreechter Geis of Regout.
Stad zoe wies diech bis besteit 'r gein ein,
't Heimwee naor diech deit miech pijn,
Stad vaan 't Mooswief, de Vriethof, de Maos,
't Päöterke Vink, Sint Servaos.
Sins iech m'n ierste applaus vaan uuch kreeg,
Bin iech verleef op Mestreech.
 
 
Pieke en 't bömke
Teks: ? - Meziek: ?
Pieke kreeg ins op zóndagmörrege, eine sent vaan ziene Peer.
En dee zag: Jóng laot miech zörrege, dat iech dee noe good verteer.
 
Dit koeplèt zeuke veer nog: (Pieke ging naor de winkel vaan vrouw Kook)
Wee weit dees wäörd ???
 
Veur de vinster zaog heer ligke, appele, pere, knabbe, keuk.
Lekker zakes um te bikke, mer zoe 'n bömke waor wel leuk.
 
En heer leep naor binne touw, heer koch 'n bömke bijj de vrouw.
Duijde 't stiekem bijj de res, op de bojem vaan zien tes.
 
Saoves nao 't aovendete, Peer dee laos in de gezèt.
Meer die waor häöm gans vergete, daorum waor heer nog neet naor bèd.
 
Pakde heer 't bömke weer, lag 't op de kachel neer. 
Ut spróng oetein mèt hiel väöl klaank, Peer versjrók ziech hallef kraank.
 
 
Roed, Geel en Greun
Teks & Meziek: G. Smeets & F. Theunisz
Zaank: Frans Theunisz
Refrein:
Roed, geel en greun is de kleur vaan vastelaovend.
Roed, geel en greun is de kleur vaan karneval.
Lol en plezeer vaan de mörge tot d’n aovend.
Roed, geel en greun zuuste noe weer euveral.
 
Iech dink tot iech mien zörreg noe vaanzelf weer vergeet,
want ’t is weer tied um te goon stappe.
Iech hoof neet lang te zeuke, d’r zien kaffees bijj de vleet,
boe iech weer e pèlske kin goon happe.
 
De ganse buurt is verseerd, d’r is weer get te doen,
de vlagge haange bove alle deure.
De zuus ’t aon de luij, dao hingk weer stumming in de loch.
en wat miech opvèlt, dat zien weer die kleure.
 
Vaan Eijsde tot in Venlo en vaan Sittard tot in Mook.
Jao, in Mestreech en ouch weer in Zuzaote.
Dao hingk ‘ne sfeer dee kinste preuve, jao op ederen hook.
De vlag hink weer oet in alle straote.
CD (1998) Frans Theunisz - " Hei Hei Limburgia " - Marlstone Recordings bv CDL 9868
CD (1999) Diverse artiesten - "Van Eijsde tot de Mookerhei 6" - Marlstone Recordings bv CDL 9902
CD : Diverse artiesten - " Vastelaovend in Mestreech 5 " - Marlstone Recordings bv - CDL 2002
 
 
Roed zien de roeze
F.Michel, R.Jonet, M.Jourdan & J.Coenen
Zaank:  Taai Taai
Zèt de aovendzon de loch in vuur en vlam,
kump d'n daag tot rös, daan kom iech in de ban.
Vaan e leef meitske, sjoen en fien,
wèl hiel m'n leve bijj haor zien.
't Is veur häör dat iech dit leedjse zing.
 
Refrein:
Roed, roed, roed, roed zien de roeze.
Roeze die iech aon diech wel geve.
Want 't gelök raak us aon,
en bijj 't leech vaan de maon,
fluuster iech diene naom.
 
En h'r ouge zien wie sterre in de nach,
't is de leefde boe iech lang op höb gewach.
Iech zal h'r noets mie laote goon,
dat groet gelök in mien bestoon.
't Is veur häör dat iech dit leedjse zing.
 
 
Seldäötsje speule
Teks: Fons Tuinstra - Meziek: Th. Bosman
Mestreechter leedsjes-cahier Nommer 1
't Is goonsdagmiddag en gein sjaol, wat wèlt geer noe nog mie ?
Zèk jónges: Kómme allemaol in de Kómpe um hallef twie !
Daan trèkke veer in kómpenijj, 't trömpke geit veurop.
Kordaat mèt vere in de rijj Sint Pietersberreg op.
 
Refrein:
Rompete Pompete Pom Pom Pom
Rompete Pom Pom Pom
Rompete Pompete Pom Pom Pom
Rompete Pom Pom Pom
 
De veendel dee is vaan de Neus, dee weurt de baas, dat sprik.
Kenon dat make veer de Reus en peerd dat weurt de Mik.
En weit geer wat veer speule goon ? De krieg vaan sevetig.
En dee daan doed blijf, wel dee sloon veer ouch weer levetig.
 
Refrein:
 
En goon v'r saoves trök nao hoes, daan slete veer weer vreij.
Want ruizing huurt gaaroet neet toes in us gooj kómpenijj.
Meh toes gekómme veul ste pas wie of d'n mäögske deit.
'T rammelt in die rammelkas of dao 'n trömpke sleit.
 
Refrein:
 
Nao 't ete gaon iech nao mien bèd, blijj touw iech bin doedmeuj.
Meh miene sabel num iech mèt, dee lèk iech aon m'n veuj.
Lang wakker ligke daon iech neet, iech slaop, iech vech, iech sjeet. 
Of loup sjoen in de pas, iech druim, dus ech: Iech weit 't neet.
 
Refrein:
 
 
Sint Servaosleedsje
Teks: ? - Meziek: ?


Och Sint Servatius
besjermer vaan Mestreech
Bewaor in dit gewes
'n dröpke in de fles
Bewaor in dit gewes
'n dröpke in de fles.
 
 
Sjiek is miech dat
Zaank: Fabrizio
  
’Sjiek is miech dat’
Lèt iech eve neet op, iech drej miene kop, m’ne Vespa gejat
Iech had Lando gebeld, meh dee pakde neet op, dee waor kónstant bezat
Jeh noe zak m’n gemood, want noe moot iech te voot
nao ’t Sportfondsebad, Sportfondsebad

’Sjiek is miech dat’
‘n Vekansie gebook nao ’n Mèksikaans look, had iech miech mer bekak
Want ’t zaot miech weer tege, twie weke rege, wouw trök nao m'n brak
Ach sjeet miech noe mer lek vlak veur ’t vertrèk
nog ’n griepke gepak, griepke gepak
 
’Sjiek is miech dat’
Zien v’r amper oetein en de liks al metein mèt Ricardo in bad
Iech dink tot ’t verrèk, iech gaon vol op de bek mèt dien zuster, jeh wat
Ze vrijt mèt dee söl, dee pipo out Gäöl,
jao zie waor al bezat, waor al bezat

Sóms zit ’t eve neet mèt, biste blijj este eindelik plat liks in bèd
Höbste ’t eve gehad, zègkste ’Sjiek is miech dat’
Sóms geit ech alles verkiert
Höbste niks vaan d’n foute vaan vreuger gelierd
Höbste ’t eve gehad, zègkste ’Sjiek is miech dat’

’Sjiek is miech dat’
Zit iech deftig te ete, ’n vleeg in m’n vrete, jeh sjoen is miech dat
Op d’n ober gerope dee sjievelde oet, ’t waor harstikke glad
M’ne hónger waor weg, ging vaan m’ne stek,
m’n krevat zaot te strak, strakke krevat

’Sjiek is miech dat’
Lik iech bijjnao in bèd, mèt ‘n koppijn tabblèt flikker iech vaan de trap
Miene kop tösse mien bein, iech krepeer vaan de pijn, m’ne voot umgeklap
‘t Is neet te geluive dat dit miech gebäörd,
iech kin neet mie op stap, neet mie op stap

Sóms zit ’t eve neet mèt, biste blijj este eindelik plat liks in bèd
Höbste ’t eve gehad, zègkste ’Sjiek is miech dat’
Sóms geit ech alles verkiert
Höbste niks vaan d’n foute vaan vreuger gelierd
Höbste ’t eve gehad, zègkste ’Sjiek is miech dat’
Videoclip: 'Sjiek is miech dat'
 
 
Slaop mér menneke
Wäörd: Tum en Wayn Pieters - Meziek: Wayn Pieters
© 2006
Jao, awwers make kinder sóms get wies,
de liers ’t al vaan hun al biste joonk of gries.
Iech waos nog klein en miene pa dee zóng,
nog eve veur dat iech nao bèd tow góng.
Iech góng ut Grechsje op… Iech klóm op de Steine Wal…
Iech waos ‘nne koejong… iech veel op mien neus…en zie bloojde…
En miene pa dee zóng…
 
Slaop mer menneke, slaop mer menneke, jao mörrege biste groet
Slaop mer menneke, slaop mer menneke, jao mörrege biste groet
Mörrege geit ut beter diech, mörrege geit ut beter diech, jao mörrege biste groet
Slaop mer menneke, slaop mer menneke, mèt d’n buukske en vötsje bloet
 
Iech vrijjde zoe, de zon die veur miech blónk,
en zag ze miech: Diech bis nog väölste jónk.
En es iech daan neet dat gouwe vèske vóng,
dach iech aon wat dee pa ins veur miech zóng.
Jao, d’n tied dat is veur us de groetste deef,
en kaom de daag dat iech al oetgeleef.
Mèt ’n bubbelende hand veur mien lèste drupke stóng,
daan dach iech aon wat dee pa ins veur miech zóng
 
En heer zóng:  Slaop mer menneke,………
 
 
Super Sjoene Daag
Teks & Meziek: A. Donauer &  Patrick van de Weijer
Zaank (*): De Radlers

Iech loup euver straot,
loer get nao de loch
de zon steit aon d'n hiemel,
iech bin gans verkoch !
En vluig 'nne vogel veurbijj
Wink iech häöm goojendaag !
Jao daan bin iech contènt,
mèt dee Super Sjoene Daag

Refrein:
En iech vleeg, vleeg, vleeg wie 'nne vogel
Bin zoe sterk, sterk, sterk wie 'nne tieger
En zoe groet, groet, groet wie 'nne giraf
jao zoe hoeg Wohohohhoooooooccch

En iech spring, spring, spring, wie 'nne sprinkhaon
en iech zwum, zwum, zwum achter diech aon
en iech num, num, num diech bijj dien hand
en iech zing...hijj mèt diech wat 'nne Super Sjoene Daag
* CD 2009 : Diverse artiesten - " Vastelaovend in Mestreech 10 " - Marlstone Recordings bv - CDL2902
Videoclip: Super Sjoene Daag
 
 
't Stumpke
Teks: Funs(ke) Tuinstra - Meziek: ?
Pieke kós mer neet verkroppe, tot 'r neet wie ziene Peer,
ziech 'n lekker piep kós stoppe, want nog gister zag zien Meer.
Zeen iech diech mèt 'n sigrèt, zónder ete nao d'n bèd.